-->
كلاكيت عاشر مــرة
.............................
قـال بيقــولــوا فيــه انتـخــابـات
وزع ورق علـــق لافـتـــات..!
والناجــح ميـن ..علـق بـلالايـن
وزع .. وسع .. وبلاش حكايات
عملية بسـيطة من غيـرحسابات
معـروفــة من غيـــــر انتخابات
كـان الناتج مية المية كـان الناتج
ازمة انابيب وطابورالعيـش والميـة ما فيـش
ولا فيـه توظيـف ولا حتـى عـلاوة ســـنوية
وتحكـــي لمين . . . دا المـولــى رقيب !!!
احكيـلك أيـــه يا عـم يا بيـه
دا مسلسل ما فيهوش رجالة
كلـه حريـم لابسـين قالعـيـن
دول همـا شــــوية حـرميــة
وصي على الشـاي دا الظـابط جاي
وعيـال حرافيـش . . نزلـين تهبيـش
وازرع واقـلــع ادي وامنــع
وكلـه باســمك . . يا بـلادي
رجاله وستات طاطو ووطو
وبعـودة بعودة عشـر مرات
السلام عليكم
ردحذفايه البوست المختلف دا بقىىىىىىىى؟
ههههههههههههههه
ملاحظ ان كل البوستات والجو العام للمدونه اسلامي اكتر
بعكس البوست دا
عموما عاوز اقولك الكلام جميل اوي ومعبر عن الوضع بشكل ساخر
وعاوز اقولك كمان لاشكر على واجب فيما طلبته مني
وزي ماقلت لك هي مش صعبه هي مجرد لفت نظر بس
وانت طبقتها بكل احترافيه
وتصميماتك هنا في المدونه رائعه جدا وراقيه
بس نصيح متكترش صور في السايد بار عشان المدونه متبقاش تقيله ودا بيأثر دايما على عدد الزيارات
لأنه كل ماتكون الصفحه خفيفه لأي موقع دا بيكون عامل جذب للزوار
وتقبل مرور وتحيتي